Friday, January 10, 2014

ඒ නම් කවර පෙමක්ද?



කල්ප ගණනක් පෙරුම් පිරුවෙමි
නුඹත් සෙවණැල්ලක් මෙනි
දැමුණු සිත බෝධියට නැමුවෙමි
කවුරු නොදනිත් නුඹ දනී
මෙලෙස සරණව යන ලෙසින් අද
පෙරද මා හා එක්විණි
යසස දරණා සෙනෙහබර සිත 
සුවඳ දෙන පියුමක් වැනි

නොබිඳගන්නට මෙතෙක් කල් සිත
සමත් වු නුඹ ස්නේහයෙන්
පුරන්නට මා පාරමී බල
රුකුල් වූ නුඹ ප්‍රේමයෙන්
ලබන්නට ඒ උතුම් බුදු තෙද
හේතුඵල වන අනුහසින්
එතෙරවන්නට නුඹට හැකිවෙයි
කෙලෙස් දම් පිරි ලෝකයෙන්


1 comment: